Bu gün sizə mobil aplikasiyalar kateqoriasından ən məşhur luğətlərdən biri olan Abbyy Lingvo haqqında danışacağam. Qeyd edim ki, bu mobil aplikasiyanı IOS, Android və Symbian əməliyyat sistemli mobil telefon istifadəçiləri öz mobil smartfonlarına yükləyib istifadə edə bilərlər.
Bu aplikasiya (premium) mobil marketlərdə ( Apple Store, Play Market, Nokia Magazin) satışda olan aplikasiyalardandır ki, Play Marketdə 5.99 dollara satışdadır. Siz bu aplikasiyanı yükləməklə ingilis, ispan, latın, alman, rus və fransız dilinə aid 50-ə yaxın lüğətləri yükləmiş olursunuz. Digər luğətlər isə ayrıcadır və müəyyən qiymətə satılır ki,istədiyiniz vaxt alıb yükləyə bilərsiniz.
Ümumilikdə Abbyy Lingvo aplikasiyası, ABBYY Software House tərəfindən yaradılıb və bu lüğətdə dünyada məşhur Русский язык-Медиа, РУССО, HarperCollins kimi nəşrlərin luğətləri təqdim olunmuşdur.
Qeyd edim ki, siz axtarışda yazdığınız sözü tapdıqda onun qrammatik təhlilinin açıqlamasını oxuya və səslənişini eşidə bilərsiniz. Bundan başqa bu proqramın tənzimləmələrinə (настройка ) daxil olub yüklə ( скачать) əmrini vurmaqla yüklədiyiniz və ya yükləmədiyiniz və yükləyə biləcəyiniz lüğətləri görə bilərsiniz. Qeyd edim ki, ABBYY Lingvo ingilis, fransız, ispan, alman və digər dilləri bilənlərə və ya öyrənənlərə çox yararlı və istənilən yerdə köməyinizə çatacaq aplikasiyadır.
Proqramın sceenshot-larını təqdim edirəm. Daha ətraflı bu linkdən məlumat əldə edə bilərsiniz.
