Təhsil Nazirliyi onlayn qiymətləndirmə ilə bağlı “Elektron məktəb” platforması üzərində işləyir. Hazırda həm pedaqoji, həm də inzibatı heyət üçün elektron jurnalla bağlı təlimlər keçirilir. Qeyd edək ki, təlimlərin məqsədi formativ və yekun-summativ qiymətləndirilmənin necə reallaşdırılması ilə əlaqəlidir.
Elektron jurnal müəllimlərə hansı imkanlar yaradacaq?
İlk olaraq elektron jurnal imkan verəcək ki, şagirdin mövzuya hansı səviyyə üzrə cavab verməsini izləyək. İkincisi, şagirdlərin davamiyyətini izləmək, qaib və iştirakını göstərmək də mümkündür. O cümlədən summativ qiymətləndirmədə şagirdin topladığı balları da elektorn jurnala əlavə etmək mümkün olacaqdır.
Onlayn qiymətləndirmə hansı formada keçirilə bilər?
Bunun üçün Microsoft Teams proqramında xeyli sayda ona əlaqəlandirilən, inteqrasiya olunan proqramlar var . Məsələn, “Forms” proqramı bizə imkan verir ki, bu tətbiqdə yaratdığımız testləri şagirdlərimizə ötürək. Həmin testlərə açıq və ya qapalı tapşırıqlar, çoxşaxəli testlər, hətta essə də daxil etmək mümkündür. Tapşırıqların həlli üçün vaxt məhudiyyəti də qoyula bilər. Proqram şagirdi özü qiymətləndirir, müəllim ənənəvi üsulla bal çıxarmır. Bu da müəllimin işini xeyli yüngülləşdirir. Müəllim proqramda testlərini tərtib edir, link kimi şagirdə göndərir, şagird isə istədiyi brauzerlə ( telefon, kompüter, planşet və s) müəyyən vaxt əzində sualları cavablandırır.
Məlumat üçün bildirək ki, platforma hələ tam istifadəyə verilməyib, lakin aldığımız məlumata görə platforma üzərində iş gedir və paralel şəkildə dataların quraşdırılması, sistemin qurulması ilə bağlı inzibati heyətə, işin reallaşdırılması üçün müəllimlərə təlimlər keçirilir.
Qiymətləndirmə ilə bağlı da Təhsil Nazirliyi artıq işə başlayıb.