“Virtual məktəb” və onlayn tədris Təhsil Nazirliyi tərəfindən məcburi deyil”.
Təhsil Nazirliyinin Təhsil Sisteminin İnformasiyalaşdırılması İdarəsinin şöbə müdiri Fidan Nəcəfova İctimai televiziyada çıxışı zamanı səsləndirib.
O, “Virtual Məktəb” lə bağlı əsas məlumatları diqqətə çatdırıb:
““Virtual Məktəb”də keçirilən dərslər 21 gün müddətində həmin platformada saxlanılır. Lakin müəllimin istəyindən asılı olaraq, həmin müddət uzadıla bilər. Bu da şagirdlərin mövzulara bir neçə dəfə baxmasına və anlaşıqlı başa düşməsinə kömək edə bilər.
“Virtual Məktəb”də məcburiyyət yoxdur. Belə ki, məktəb direktoru ilə razılaşdırılmış şəkildə müəllimlər dərsi şagirdə uyğun vaxta sala bilərlər.
Virtual və onlayn tədris Təhsil Nazirliyi tərəfindən məcburi deyil. Bu sadəcə pandemiya şəraitində yaradılan üstünlükdür. Həmçinin, şagird və müəllimlərin pandemiya şəraitində təhsildən yayınmaması üçün vasitə rolunu oynayır.
Müəyyən qədər sərbəstlik hiss edən valideynlər övladlarını onlayn təhsildən uzaqlaşdırırlar. Buradan valideynlərə səslənirəm ki, əgər evdə smartfon və internet varsa, Təhsil Nazirliyinin yaratdığı bütün şəraitlərdən istifadə etsinlər. Çünki distant təhsilin hansı vaxta kimi davam edəcəyi və əyani tədrisə nə zaman qayıdılacağı məlum deyil”.
