Humanitar atəşkəs rejimini kobudcasına pozmaqda davam edən Ermənistan ordusu 17 oktyabr 2020-ci il tarixində gecə saat 01:00 radələrində döyüş bölgəsindən tamamilə kənarda yerləşən Azərbaycanın ikinci böyük şəhəri olan Gəncəyə yenidən raket zərbələri endirib, böyük dağıntı və insan tələfatı törədib.
Bu vaxta qədər dağıntılar altından xəsarət almış 52 nəfər və 13 nəfərin cəsədi çıxarılıb.
Biz CELT Colleges olaraq baş verən hadisədən dərin kədərləndiyimizi bildirir və bu qətliamda yaralanan bacı və qardaşlarımıza Allahdan şəfa, həyatını itirənlərə isə rəhmət diləyirik!
Düşmənin vandal və insanlığa sığmayan addımını qətiyyətlə pisləyir və bütün dünyada təhsil alan tələbələri bu dəhşəti təhsil aldıqları universitetlərdə, təhsil ocaqlarında işıqlandırmağa və bütün dünyanın bu dəhşətə, vəhşiliyə susmamağa çağırırıq!
#ErməniTerrorunaSon!