Məlumat üçün bildirək ki, I qrupda Azərbaycan bölməsində vakant yerlərin sayı 1309-dur: Bu qrupda ümumi vakant yerlərin sayı 1762-dir. I qrupda Azərbaycan bölməsində 200 baldan yüksək nəticə göstərən və ali məktəbə qəbul ola bilməyən abituriyentlərin sayı isə 29 nəfərdir. Əlavə yerləşdirmə zamanı ixtisas seçsələr, onlar hamısı universitetə qəbul ola biləcəklər. Bu qrupda 150-dən çox bal toplayanların sayı isə 2013 nəfərdir.
I qrupda ali məktəbə qəbul ola bilməyən 1000-dən çox subbakalavr da var. Lakin rus bölməsində vakant yerlərin sayı daha çoxdur. Bu qrupda rus bölməsində 775 plan yerindən 176 plan yeri boş qalıb. Rus bölməsi üzrə 200 baldan yuxarı nəticə göstərib qəbul ola bilməyənlərin sayı cəmi 2 nəfərdir. Bu abituriyentlər də düzgün ixtisas seçsələr, qəbul ola biləcəklər. I qrupda rus bölməsində 150 baldan çox nəticə göstərənlərin sayı isə123 nəfərdir.
