Valideyn iclaslarının kütləvi şəkildə təşklinin əleyhinəyik. Daha çox valideynlərlə fərdi şəkildə görüşülüb, problemlər müzakirə edilməlidir. Kütləvi valideyn iclasları il ərzində 2 dəfə ümumi məsələlərin müzakirəsi üçün keçirilməlidir. Bu iclaslarda hansısa şagird haqqında fərdi nəsə müzakirə etmək qadağandır. İl ərzində valideynlərlə görüşəcək, təmasda olacaq şəxslər sinif rəhbərləridir. Yaranan problemlərlə bağlı valideynlər aidiyyəti şəxslərlə-psixoloq, müavinləri ilə görüşməli, məsələ həllini tapmadığı təqdirdə direktora yönləndirilməlidir. Bu görüşlərdə isə valideynə övladının nadincliyi, şuluqluq salması, dərsləri oxumaması, müəllimi saymaması, dərsdən yayınması kimi şikayətlərin edilməsi qadağandır. “Uşaq dərs oxumur, səs salır, dərsi pozur, dəcəldir, məni saymır, uşaqlara replika atır və sairə məsələlərin həlli birbaşa məktəbin və müəllimin işi olduğundan bu cür məsələrlə valideynə şikayət etmək yerinə, müəllim tərəfindən məsələnin yumşaq yolla həlli tövsiyə edilir. Sinif rəhbərləri mütəmadi olaraq valideynlərlə təmasda olur, onların uşaqları ilə bağlı narahatlıqları müəllimə çatdırılır, psixoloqla müzakirə edilir, uşağa təsir edəcək yollar araşdırlıb tapılır.
Əgər bir müəllim valideyni hər gördüyündə ona şikayət hədəfi kimi baxmırsa, demək, o, əsl müəllimdir.
Xaricdə təhsil almaq hələ də gec deyil. CELT Xaricdə Təhsil Proqramına elə indi müraciət et və dünyanın ƏN YAXŞI universitetlərində təhsil al!
Çünki bu gün valideynimiz çarəsiz şəkildə övladını mühitin eybəcərliyindən qorumaq üçün onu məktəbə və müəllimə etibar edir. Müəllim də bu işin öhdəsindən gələ bilmədikdə valideynin haqlı tənqidinə tuş gəlir. Valideynlər günün tələblərini heç vaxt qəbul etməyib: bu, min illərdir belədir, amma müəllim bacarmaq və şagirdi başa düşmək məcburiyyətindədir. Bunu bacarırsa, valideyni inandırmağı da bacaracaq.
Məktəb proqramlarında sinif saatı var, bu saatlarda sinif rəhbərlərinin təşkilatçılığı ilə valideynlərimizi, xüsusən də, ataları məktəbə dəvət etmək, onların həyat tərzi, dünyagörüşü, işi haqqında övladının sinif yoldaşlarına danışması üçün şərait yaratmalıyıq.
