Uşağınızın yaradıcılıq cəhdlərini heç vaxt tənqid etməyin.
Bütün uşaqlar şəkil çəkməyi çox sevirlər. Bu maraqlı vaxt kecirtməklə yanaşı onların inkişafınada böyük təsir edir. Onlar şəkillər vasitəsilə hisslərini, valideynlərinə, həmyaşıdlarına olan münasibətlərini ifadə edirlər. Adətən, uşaqlar cızma-qara etməyə, üfüqi xətlər, dairə və s. çəkməyə 3 yaşında başlayırlar. Rəsm çəkmək uşaqlarda kiçik motorikanın (əllər) və psixi proseslərin (diqqət, təxəyyül, təfəkkür) inkişafına müsbət təsir göstərməklə yanaşı, özgüvəninin formalaşmasına da zəmin yaradır.
Uşaqlarınızın çəkdiyi rəsmlərdən, siz uşağınızın daxili dünyasını öyrənmək şansı əldə edib, psixoloji durumunu asanlıqla müəyyən edə bilərsiz.
Bütün uşaqların rəsm çəkməyə istedadı ola bilməz. Ancaq bir cox uşağın sadə rəsm çəkmək bacarığı olur. Sadəcə, onlara yaxşı çəkə bilmək üçün bir qədər təkan vermək lazım gəlir. Bu işdə valideynlərin köməyi çox vacibdir. Qoyun uşağınız nə çəkmək istediyinə özü qərar versin və sizə desin. Ondan konkret şeyləri çəkməyini istəyərək spontanlığına və özünü ifadə etməsinə mane olmayın.
Onun çəkdiklərinə verdiyi izahı olduğu kimi qəbul edin – əğər o, çəkdiyi şeyin pişik olduğunu deyirsə, siz onu başqa şeyə oxşatsanız da, deməli , bu , pişikdir.
Rəsmlə yanaşı uşaqların plastelinlə işləməsidə vacibdir.
Plastelin balaca uşaqların özünü ifadəsi üçün əla vasitədir. Rəsmdə olduğu kimi burda da mövzunu uşaq özü seçməlidir. Balaca uşaqlar plastilini oxlovla yaymağı , sonra onu qurabiyə formasında kəsməyi cox sevirlər. Beləliklə üçölçülü fiqurlar düzəltməyə başlayırlar. Plastilin və ondan bir şey düzəltmək hissi balacalar kimi böyük uşaqlar üçün də olduqça maraqlıdır.
Yenədə unutmayın!
Bütün uşaqların rəsm çəkməyə istedadı ola bilməz!
Onlar nə qədər pis rəsm çəksə də icazə verin çəksinlər. Uşağa şəkil çəkmək və rənglənməsi üçün mümkün qədər cox sərbəstlik verin və ən önəmlisi , uşağınızın yaradıcılıq cəhdlərini heç vaxt tənqid etməyin.
Alina Akhundova
Ətraflı məlumat və müraciət üçün:
Əlaqə: kids@celt.az
Ofis: (012) 510 83 35
Mob: (051) 584 88 68
CELT KIDS Elmlər
