Türkiyə ali təhsil müəssisələrində akademik imkanlarının gücləndirilməsi məqsədilə AR vətəndaşlarının doktorantura təhsil səviyyəsinə qəbulnu ELAN edir.
Prioritet elm sahələri üzrə yüksək tədqiqat bacarıqlarına malik gənc tədqiqatçılardır. Azərbaycan Respublikası vətəndaşlarının xaricdə doktorantura səviyyəsi üçün qəbul olunan prioritet ixtisas istiqamətləri və ixtisasları üzrə namizədlərin seçilməsi haqda ətraflı məlumat üçün bu linkə daxil olun və qanunla tanış olun.
Yaş həddi: 35 yaş
Müddət: 4-5 il
Qarşılanan xərclər: Proqram iştirakçılarının təhsilinin maliyyələşdirilməsi aşağıdakı xərcləri əhatə edir:
- təhsil xərcləri;
- aylıq yaşayış xərcləri (1,600 TRY).
- namizədin bakalavr və ya magistr ali təhsil dərəcəsinə malik olması;
- müraciət edən iddiaçıların əvvəlki təhsil səviyyəsi üzrə ÜOMG 100 ballıq sistem üzrə 75 baldan aşağı olmaması;
- akademik mühitdə çalışan şəxslərə üstünlüyün verilməsi;
- müraciət edən namizədlərin ixtisasları üzrə elmi tədqiqat işlərinin olması;
- Azərbaycanda dövlət hesabına doktorantura təhsilinin almaması və ya 50% oxumuş olmaması;
- Namizədin mühakimə yeritmək, elmi tədqiqat işinin aparmaq bacarıqlarının olması;
- namizədin həqiqi hərbi xidmət keçməsi, yaxud xarici ali təhsil müəssisəsində təhsili başlayanadək çağırışa möhlətinin olması və ya çağırışdan azad edilməsi;
- Təhsil alacağı dil üzrə biliyinin yoxlanılması.
Müraciət üçün son tarix: 31 Yanvar 2021-ci il
Tələb olunan sənədlər:
- Diplom(lar) və əlavəsi(ləri): Namizədlərin diplom və əlavələri notarial qaydada təsdiq edilməlidir. Ali təhsilini başa vurmuş, lakin bu və ya digər səbəblər üzündən seçimin aparıldığı müddətdə ali təhsil haqqında sənəd almamış namizədə bu barədə ali təhsil müəssisəsi tərəfindən verilmiş arayış təqdim edilməlidir.
- Hərbi bilet və ya hərbi xidmətdən möhlət haqqında sənəd: Müvafiq səhifələr notarial qaydada təsdiq edilməlidir. Əsas səhifə ilə yanaşı müvafiq məlumatların qeyd olunduğu səhifələr də təqdim edilməlidir.
- Tövsiyə məktubları: 2 ədəd ; Hər iki tövsiyə məktubu ərizəçinin doktorantura səviyyəsi üzrə təhsil alma bacarıqları barədə rəyi özündə ehtiva etməli və professor- müəllim tərəfindən rəsmi şəkildə təsdiqlənmiş olmalıdır.
- Sağlamlıq haqqında arayış: Sağlamlıq haqqında arayışın forması AZS-086/1 olmalıdır.
- Tədqiqat işi: Azərbaycan dilində və 2000 sözdən az olmayan həcmdə olmalıdır. (Tədqiqat planı: qısa xülasə, metodologiya, tədqiqat sualı, biblioqrafiya.)
- Elmi-məqalələrin surətləri (mövcud olduğu halda: Xarici ölkələrin təsir gücünə (impak tfaktoruna) malik olan, istinad indeksli elmi nəşrlərində dərc olunmuş elmi məqalələr olmalıdır.
Müraciətin izlənməsi: Namizədlər müraciətlərini Elektron Ərizə Sisteminin “Şəxsi kabinet” bölməsindən izləyə bilərlər.
Təhsil Nazirliyi ilə əlaqə: Türkiyə doktorantura təqaüd proqramı ilə bağlı suallarınızı narmin.baghirova@edu.gov.az elektron poçtuna ünvanlaya bilərsiniz.
