SAT imtahanları ləğv olunan şagirdlər nə etməlidir?

2020-ci ilin əvvəllərindən başlayaraq dünyaya yayılan COVİD19 pandemiyası qısa zamanda bir çox sahələrdə olduğu kimi təhsil sahəsinə öz mənfi təsirini etdi. Dünyanın bir çox ölkələrində məktəblər və universitetlər tədrisi onlayn formada davam etdirdilər. Bu proses semestr sonuna kimi davam edəcək.

Hazırda imtahan vermək istəyən, xaricdə təhsil almaq istəyən, xüsusilə 11-ci sinif şagirdləri və 4-cü kurs tələbələri dərin bir narahatlıq içindədirlər ki, vəziyyət necə olacaq. Bu sualın cavabını kimsə dəqiq deyə bilməz təbii ki, amma vəziyyətin yaxşılığa doğru getdiyini görsək, deyə bilərik ki, hər şey yaxşı olacaq.

Xaricdə təhsil almaq istəyən şagirdlər və tələbələr nə etməlidir?

Bildiyiniz kimi xaricdə təhsil almaq üçün SAT, IELTS, TOEFL və s. imtahanlar tələb olunur. COVİD19 səbəbiylə bu imtahanlar ləğv olundu və imtahan vermək istəyən tələbələr pis vəziyyətdə qaldı. Universitetlər də bu vəziyyəti dəyərləndirərək müəyyən güzəştlər etdilər qəbullarla bağlı. Həmçinin imtahanı təşkil edən şirkətlər də alternativ variantlar tətbiq edərək şagird və tələbələr üçün müəyyən şərait yaratdılar.Məsələn, TOEFL imtahanı hazırda ev şəraitində də vermək mümkündür.

SAT imtahanı hazırlaşan tələbələr əsasən Türkiyədə təhsil almaq istəyənlərdir. Mart ve May imtahanlarını girmək üçün hazırlaşan şagirdlər imtahanı verə bilmədilər. Bu tələbələr üçün dövlət universitetlərindən hər hansı bir güzəşt yoxdur hələ ki, amma özəl universitetlərdə güzəştlər mövcuddur. Bir çox özəl universitetlər tələbələri SAT imtahanı olmadan da qəbul edəcək və müəyyən vaxt verirlər ki, sonradan SAT imtahani verib təqdim edə bilərlər. Yəni bəziləri şərti qəbul, bəziləri şərtsiz qəbul verəcək. SAT imtahanını təşkil edən Collegeboard şirkəti ən tez zamanda 29 avqusta imtahan keçirəcəklərini açıqladı. Bu tarix isə Türkiyə universitetləri qəbul vaxtları ilə uyğun gəlmir. Bu səbəbdən bəzi universitetlər həmin tarix üçün də qəbul açacaqlarını planlayırlar. Şagirdlər özəl universitetlərin tətbiq etdikləri endirimlərdən və güzəştlərdən yararlanıb təhsillərini davam etdirə bilərlər.

Hazırda Türkiyə universitetlərinə SAT olan və olmayan şagirdlər üçün qəbul davam edir, siz də gecikmədən sənədlərinizi bizə təqdim edərək qəbul ola bilərsiz. Bizim əlaqə saxlayaraq ödənişsiz konsultasiya ala bilərsiniz. Ümid edirik ki, biz birlikdə bu virusa uğurla qalib gələcəyik və hədəflərimizə çatmaq üçün maneə ola bilməyəcək.


Qeyd: Xaricdə təhsil haqqında məlumat almaq istəyirsinizsə, abunə ola bilərsiniz: http://bit.ly/celtabroad

CELT Colleges İçərişəhər

Fərid Kərimov

Xaricdə təhsil üzrə koordinator

+99412 492 68 53, +994 55 503 59 39

turkiye@celt.az

14 thoughts on “SAT imtahanları ləğv olunan şagirdlər nə etməlidir?”

  1. Salam bilmək isterdim mən bu il birinci kurs olacam sizin kurslarda hazırlaşıb Türkiyəyə qəbul ola bilərəm tibb sahəsi üzrə və birdəki universitetdən çıxmağa ehtiyac var?

  2. Salam ODTU IT oxumag ucun sat ve toefl hazilawmiwig. gebul oldugdan sonra hansi fenler kecirir onu nece bilmek olar.fizikadan elave hazirlawmag lazimdir.universitetde oxuyan zaman fizika ve ya kimya IT uzre tedris olunur.cunki TDK uzre birinci grup bu iki fenni teleb edir

  3. Salam, men 9cu sinifde oxuyuram. Türkiyede hüquq oxumaq isterdim. Burda hansisa kursa getmeliyem? Yoxsa 11ci sinif attestati ile Turkiyeye getmek mumkundur? Max neçe baldi hüquq? Melumatlanmaq isterdim.