Amerika mərkəzli imtahan olan SAT (Scholastic Aptitude Test, yəni akademik qabiliyyət imtahanı), əvvəlcə Amerikada ali təhsil almaq üçün tələb edilən imtahan olsa da, bu gün bir çox ölkədə universitet qəbulunda tələb edilən imtahanlardan biridir. İmtahan College Board adlanan qurum tərəfindən il ərzində 7 dəfə keçirilir. Ödənişli imtahandır. Beynəlxalq statusa malik olduğu üçün SAT imtahanını, demək olar ki, dünyanın hər yerində vermək olar. Bunun üçün ilk növbədə Collage Board’ın rəsmi saytında qeydiyyatdan keçmək və daha sonra sizə yaxın olan imtahan məntəqəsini seçmək lazımdır.
SAT imtahanı SAT 1 və SAT 2 olmaq üzrə iki növə ayrılır. Ardıcıl nömrələndirilsə də imtahanlar bir-birinin davamı deyil.
İmtahanın strukturu
Quruluş etibarilə SAT 1 iki hissədən ibarətdir: Reading & Writing (Yazı & Oxu) və Mathematics (Riyaziyyat). İmtahan müddəti 3 saatdır. Reading hissəsi 52 sual olmaqla 65 dəqiqə, Writing hissəsi 44 sual olmaqla 35 dəqiqə davam edir. Reading hissəsində daha çox psixologiya və tarixlə bağlı 5 mətn və hər mətndən isə təqribən 10-11 sual soruşulur. Writing hissəsində əksər hallarda verilmiş yazı səhvlərini müəyyənləşdirib düzgün variantı qeyd etmək tələb olunsa da, bir çox hallarda verilmiş qrafikə uyğun cavablar da tələb edilir.
İkinci hissə olan riyaziyyat, özü də iki hissəyə bölünür. Belə ki, birinci bölmədə kalkulyatordan istifadə qadağandır. Bu mərhələdə kalkulyatorsuz həll edilə biləcək asanlıqda 20 sual olur və imtahan verənlərə 25 dəqiqə vaxt verilir. İkinci riyaziyyat bölməsində isə 55 dəqiqəlik müddətdə cəbr, verilənlərin təhlili, məsələ həllindən 38 sual olur və elmi kalkulyator istifadəsinə icazə verilir.
SAT 2 imtahanı isə, daha çox, öyrənənlərin bilik və bacarıqlarının daha təkmil olduğunu sübut etmək üçündür. Belə ki, imtahan verənlər 20 mövzu imtahanından öz sahələrinə uyğun olanını seçərək imtahanda özlərini sınaya bilərlər. SAT Subject imtahanı 1 saat davam edir. Lakin burada sual sayı seçilən imtahana görə fərqlilik göstərir. SAT Kimyada 85 sual olduğu halda, SAT Ədəbiyyatda 60 sual olur.
SAT 2 imtahanından keçmək zəruri deyil. Bu o deməkdir ki, universitet qəbulu üçün SAT 1 imtahan nəticəsi kifayət edir. Amma qəbul zamanı rəqabət şərtləri nəzərə alındığı halda SAT 2 nəticəsinin olması üstünlük kimi qəbul edilir.
SAT 1 imtahanında bal aralığı 400-1600 çərçivəsində qiymətləndirilir və hər iki hissə 800 balla ölçülür. İmtahan nəticəsinin hesablanması isə alqoritm əsasında həyata keçirilir. Buna görə də müxtəlif vaxtlarda verilmiş imtahanlarda səhv sayına görə fərqli bal çıxılması mümkündür. Yəni ilk imtahanda 4 səhv ilə 1550 aldığınız halda ikinci dəfə eyni sayda səhvlə nəticəniz 1580 ola bilər. SAT 2’də isə maksimum bal 800dür.
SAT imtahan nəticəsi ilə Azərbaycanda ADA universitetinə və Amerika, Türkiyə, Çin kimi ölkə universitetlərinə qəbul əldə etmək mümkündür. Qəbul üçün tələb edilən bal isə seçilən universitet və ixtisasdan asılı olaraq dəyişir.
Xanım Xəlilova
CELT Xətai
012 496 45 76
050 588 15 18
Salam sat 1 verməsək sat 2 ni versək Türkiyədə hüququ oxuya bilərəm?
Salam,
Dövlətlərdə oxuya bilməzsiz, özəllərdə olar
Salam, Amerikanın, vəya Türkiyənin orta bir universitetində təhsil haqqı təxminən nə qədər olur?
Salam. Türkiyədə dövlət unilər 1000 manatdan 10000 manata kimi dəyişir. Yəni tibb və mühəndislik ixtisasları bir az bahadır. Amerika isə dövlət özəl fərqi yoxdur xarici üçün hamı eyni qiymətdir. 10 min dollardan 60 min dollara kimi dəyişir. Bunlar sadəcə təhsil haqqıdır
ODTÜ, İTÜ,Koç kimi üniversitetlərə SAT ilə girmək mümkündür? SAT imtahanına sadecə bir il hazırlaşmağla qəbul ola bilərəm?
Salam,
mümkündür. Sizin ingilis dili səviyyəsində asılı olaraq dəyişir hazırlıq müddəti. Ofislərimizə müraciət edərək ətraflı məlumat ala bilərsiz
Aha mümkündür, SAT programı adətən 3-9 ay müddətində olur. Təbii ki, bu ilkin bazadan asılıdır.
Sat 2 de ispanish-de neçe sual olur
Sat1 ve sat 2 qiymet???
Salam. Həm SAT1 həm də SAT2 imtahanına girsək bə yüksək bal yığarsaq Amerika universitetlərinə təqüdlə daxil ola bilərik?
Salam. Bəli daxil ola bilərsiniz.
Salam.Sat 2 olmadan İstanbulda memarlıq vəya mühəndislik oxumaq olur? Və sat 2 olsa nə kimi avantaj olar
Bəli. Əlbəttə. TOP unilərin bəziləri istəyir
Salam. Londonun hər hansı bir universitetində 2ci qrup üzrə oxumaq üçün SAT ilə bərabər buraxılış imtahanı vermək lazımdı?
Londona SAT lazım deyil. IELTS lazımdır
Salam. Koç üniversitetində tibb fakültəsində 100 % bursla oxumaq üçün nə qədər bal lazımdır? SAT writing-dən imtahan verməliyəm?
Salam. Bu sadəcə real deyil. Ya da turkiye burslarından keçmək lazımdır
Salam. Bir gündə SAT1 və SAT Subject Test
Math 1 verə bilərik. Təşəkkür edirəm
Salam,
Olar verə bilərsiz
Salam.Haccetepe univeraitesine SAT 1 lə girmək olur?Bir də orada ödənişsiz necə oxumaq olur?(Tıp fakultesinde)
Salam. Bəli. Ama tibb ödənişsiz deyil birmənalı olaraq.
Salam mən tam olarağ başa düşə bilmədim. SAT 1 və SAT 2 ayrı imtihanlardı? Ayrı ayrı verilir? Qeydiyyatdan keçərkən, ikisindən birini seçirik yoxsa hər ikisini də, girilir? Və məbləğ nə qədərdi? Oktyabırın üçün də imtahan olacaq? Collegboard’dan baxdım. Təşəkkürlər.
Salam. Bəli. SAT 1 daha çox lazım olur. SAT 1 ingilis dili və riyaziyyatdan ibarətdir. SAT 2 isə fənn üzrədir. Məsələn sizə Biologiya üzrə SAT lazımdır onu edirsiniz. Ama SAT 2 daha çox Harvard kimi unilərə lazım olur ama qalan hallarda SAT 1 kifayətdir
Salam 3 cu qrupa uygun olan 2 ci bakalvr yaxud magistratura ixtisaslari uzre Boyuk B. , London ve ya Harward universitetlerine hansi imtahanlar, lazim olan neticeler ve odenisleri barede umumi melumatlandirardiz zehmetolmasa
Lazım olan IELTS və bakalavr dərəcəsi. GPA yaxşı olsun. Və mümkünsə GRE olsun. Xərclər ən az 15 min funtdan başlayır
Oktiyabır ayında sat imtahanı olacaq?
Olması gözlənilir
Salam, növbəti SAT imtahanı nə vaxtı?
Salam,
Avqustun 29 üçün nəzərdə tutulub
SAT 2 imtahanını verməsəm Türkiyədə Boğaziçi universitetində oxuya bilərəm?Oxuya bilərəmsə illik nə qədər ödəniş verilir?
Salam,
Boğazıçı SAT tələb etmir, amma olarsa, üstünlük olar təbii ki. İllik 9000 TL-dir
Gürcüstan vətəndaşları SAT imtahanı ilə Türkiyədə təhsil ala bilir?
Salam,
Bəli ala bilir
Salam . Boğaziçi universitetində ödənişsiz magistr təhsili almaq olurmu Azərbaycan tələbələri üçün?
Salam,
Türkiyə bursları vasitəsilə ola bilər
Salam bəs SAT’a fizika sualı ne qədərdir? Və asand dediyiniz 20 riyaziyyat sualı hası tipidir?
Salam. Bunları Collegeboard nümunələrindən görə bilərsiniz yada bizim ofislədərn.
Salam, sat imtahanı bu il handı aylarda olacak və fizika bolməsi neçə sualdan ibarətdir?Təşəkkürlər.
Salam. Bunu collegeboard saytından baxa bilərsiniz.