Müddətli müqavilə ilə işləmək istəyən müəllimlər nə etməlidir?

Bildiyiniz kimi müəllimlərin işə qəbulu prosesindən sonra müəllimlərin müddətli müqavilə ilə işə qəbul prosesi başlayır. Müddətli müqavilə ilə işləmək istəyənlər müqavilənin müddətli oldğunu və müqavilə müddəti bitdikdən uzadılıb – uzadılmamasının dəqiq olmadığını bilməlidirlər. Müddətli müqavilə ilə müəllimlərin işə qəbulu Təhsil Nazirliyinin İnsan Resursları Mərkəzi tərəfindən proqram təminatı tətbiq olunmaqla mərkəzləşdirilmiş qaydada həyata keçirilir. Hər ilin sentyabr ayının əvvələri müddətli müqavilə ilə müəllimlərin işə qəbuluna elektron sənəd qəbulu aparılacaq. Müddətli müqavilə ilə müəllimlərin işə qəbulu prosesində iştirak etmək üçün builki müsabiqəyə qatılan namizədlər şəxsi səhifələrinə daxil olmaqla vakant yer seçməli və elektron ərizələrini təsdiq etməlidirlər. Ötənilki müsabiqədə iştirak etmiş namizədlər isə miq.edu.az saytı vasitəsi ilə yenidən qeydiyyatdan keçdikdən sonra vakant yer seçərək ərizələrini təsdiqləməlidirlər.

 Müddətli müqavilə işə qəbul müsabiqəsinə kimlər qoşula bilər? 

Müddətli müqavilə ilə müəlllimlərin işə qəbulu prosesində  bu il və ötən il keçirilmiş müəllimlərin işə qəbulu üzrə müsabiqəsinə qatılmış namizədlər müvafiq imtahan balı ilə iştirak edə bilərlər. Müəllimlərin işə qəbulu üzrə bu ilki müsabiqədə iştirak edərək elektron ərizəsində vakansiya seçimi etməyən, vakansiya seçib ərizəsini təsdiqləməyən, vakansiya seçimi zamanı uğur qazanmayan, vakant yer tutub müsahibəyə gəlməyən, müsahibədə uğur qazanmayan, müsahibədə uğur qazanıb I tur və II turlarda tutduğu vakant yerdən imtina etdiyi barədə ərizə ilə İnsan Resursları Mərkəzinə müraciət edən şəxslər iştirak edə bilərlər. 

Müddətli müqavilə ilə işə qəbul zamanı həvəsləndirmə tədbirləri tətbiq olunan məktəblərdə keçid balı 30, həvəsləndirmə tədbirləri tətbiq olunmayan məktəblərə isə musiqi, təsviri incəsənət və fiziki tərbiyə fənləri üzrə 42, digər fənlər üzrə 48 bal müəyyən edilmişdir. Yəni yuxarıda qeyd edilən səbəblərdən işə qəbul olmayan və qeyd edilən balları toplayan namizədlər müddətli müqavilə işə qəbul edilirlər. İşə qəbulu zamanı namizədlər yalnız iki yer seçə bilərlər. 

Müddətli müqavilə ilə işləmək üçün hansı vakant yerlər verilir?

Müddətli müqavilə ilə müəllimlərin işə qəbulu prosesinə vakant yerlər cari ildə müsabiqədə boş qalmış yerlər, yeni yaranan vakant yerlər, sosial məzuniyyətlə əlaqədar yaranmış vakant yerlər verilir. Bakı şəhərində fəaliyyət göstərən məktəblərində ibtidai sinif müəllimlərinin müddətli müqavilə ilə işə qəbulu Bakı Şəhəri üzrə Təhsil İdarəsi tərəfindən həyata keçirilir. Lakin bu qayda ola bilsin ki, cari ildə dəyişdirilsin.

İkinci iş yeri kimi işləmək məqsədilə müddətli müqavilə ilə işə qəbul müsabiqəsində iştirak etmək mümkündürmü?

İkinci iş yerində işləmək məqsədilə müddətli müqavilə ilə müəllimlərin işə qəbulu üzrə müsabiqəyə yalnız müəllimlərin işə qəbulu üzrə ötənilki müsabiqədə uğur qazanmış namizədlər iştirak edə bilərlər. Yəni əgər Siz ötən il uğur qazanıb işə qəbul olmusunuzsa və ikinci iş yeri kimi işləmək imkanınız varsa o zaman siz builki müddətli müqavilə ilə işə qəbul müsabiqəsində iştirak edə bilərsiniz.

Müddətli müqavilə ilə işləyən müəllimlərin və ya müddətli müqavilə ilə müəllim kimi işləyənləri bir sual narahat edir ki, onlar müddətli müqaviləni müddətsiz müqavilə ilə əvəz edə bilərlərmi? Bəli bu mümkündür. Hər il müddətli müqavilə ilə işləyən müəllimlərin daimiləşməsi məqsədilə müddətli müqavilə ilə işləyən müəlllimlərin müddətsiz müqavilə ilə işə götürülməsi müsahibələri keçirilir. Müddətli müqavilə ilə işləyən müəllimlər sözügedən müsahibələrdə uğur qazanaraq daimiləşə bilərlər. 

Lakin bu qaydalar ötən ilin praktikasından götürülüb. Bu il qaydaların hansı formada olacağı və yaxud dəyişdiril dəyişdirilməyəcəyi haqda hələki heç bir məlumat yoxdur. Əgər hər hansı yenilik və ya dəyişiklik olarsa biz sizlərə yazılarımızda bu haqda məlumat verəcəyik.