Bildiyimiz kimi İtaliyanın tarixi dünyanın ən zəngin və çeşidli tarixlərindən biridir. Cənubi Avropanın ürəyi sayılan bu ölkə, bir çox digər Avropa şəhərlərinə yaxınlığı yaxınlığı, iqlimi və mükəmməl aralıq dənizi sahilləri ilə diqqətləri öz üzərinə çəkir. Dünyanın ən qədim təhsil ocaqlarına ev sahibliyi etdiyindən son dövrlərdə təhsil sahəsində popyularlaşmağı da heç də təəccüblü hal deyil.
İtaliyada ali təhsil almaq istəyən tələbələr həm italiyan həm də ingilis dilində bu şansı əldə edə bilərlər. Tibb və memarlıq kimi fakültələr üçün İtaliya Təhsil Nazirliyi tərəfindən keçirilən müəyyən bir imtahandan keçmək şərti olmasına rəğmən, mühəndislik, dizayn və biznes sahələrində olan qəbul şərtləri universitetdən asılı olaraq dəyişməkdədir.
İtaliyada təhsil almaq arzulayanlar üçün 2018 QS Dünya Universitetlərinin reytinq cədvəlinə görə, İtaliyanın 7 universitetini sizlər üçün təqdim edirik.
- Politecnico Di Milano
1863-cu ildə qurulan Milano Politekniko Universiteti İtaliyanın ən böyük, Milanın isə ən qədim universitetidir. Xüsusi ilə də dizayn və memarlıq üzrə şöhrət qazanmış bu universitetin Şimali İtaliyada yayılmış 7 kampusu vardır. Universitetin illik təhsil haqqı 900-4000 Avro arasında dəyişməkdədir. Beynəlxalq tələbələrə verilən Platinium, Gold və Silver olmaq üzərə 3 fərqli təqaüd proqramı mövcuddur. Qeyd edim ki, universitetdə bakalavr dərəcəsi daha çox italiyan magistr dərəcəsi isə demək olar hər bir ixtisas üçün həm ingilis həm italiyan dilində keçirilir.
2. Universita Di Bologna
İtaliyanın ən tanınmış universitetlərindən biri olan Bologna Universiteti 1088-ci ildə hüquq təhsili vermək üçün qurulmuş və dünyanın ən qədim universiteti hesab edilməkdədir. 14-cü əsrdən etibarən məntiq, astronomiya, tibb, fəlsəfə və filologiya kimi sahələrdə də təhsil verməyə davam edərək günümüzə qədər gəlib çıxan ən qədim universitetdir.
Ümumilikdə 5 kampusu olan bu universitetin 85 min tələbəsi vardir. İllik təhsil haqqı fakultədən asılı olaraq 1500 və 5000 avro arasında dəyişir. 3 illik bakalavr, 2 illik magistr dərəcəsi təklif edən bu universitetdə əsasən magistr fakulərəində ingilis dilində təhsil almaq mümkündür.
3. Scuola Normale Superiore Di Pisa
QS reytinqində 192-ci yerdə olan və 1810 cu ildə qurulan bu dövlət universiteti təxminən 500 tələbəyə ev sahibliyi etməklə İtaliyanın ən kiçik universitetlərindən biridir. Xüsusi ilə fizika və astronomiya sahələrində ölkənin ən reytinqli universiteti hesab edilir. Təhsil sahələri 2 qrupa bölünən bu universitetdə Bəşəri Elmlər, Riyaziyyat və Təbiət Elmləri fakultələri Pizada , Sosial Elmlər inistutu isı Florensiyada yerləşir. Elmi araştırma etmək bu universitetin başlıca tələblərindən biri hesab edilir və digər İtaliyan universitetlərinin əksinə Scuola Normale nin öz təhsis etdiyi bir sistem vardır. Bu universitetə qəbul olmaq digər universitetlərlə müqaisədə daha çətindir və fərqli imtahanlardan uğurlu nəticə əldə etmək tələb edilir.
4. Sapienza- Universita Di Roma
Dünya üzərində 223-cü sırada öz yerini tutan bu universitet 1303-cu ildə qurulmaqla dünyanın ən qədim universitetlərindəndir. 6 mini xarici olmaqla təxminən 110 min tələbəyə təhsil verən bu universitet 250 fərqli təhsil proqramı təşkil edir. Avropanın ən böyük təhsil mərkəzlərindən biridir. Arxeologiya, Fizika, Nano Texnologiya, Gen mühəndisliyi kimi sahələrin əsas götürüldüyü bu universitetdə 1 fakultə, 63 ixtisas və bir çox araşdırma sahəsi vardır. Universitetdə xidmət göstərən işçilərin ümumilikdə 6 Nobel mükafatı mövcuddur. Təhsil haqqı digər universitetlərə nisbətdə daha müvafiq hesab edilir (1200 avro ətrafında).
5. Politecnico Di Torino
1859-cu ildə qurulmuş bu universitet İtaliyanın ən yaxşı 2 texniki universitetindən biri hesab edilir. Memarlıq və mühəndislik sahələrində fərqlənən bu ali təhsil müəssisəsi 16% i xarici olmaqla 33 min tələbəyə ev sahibliyi edir. Yuxarıda qeyd edilən nəticə İtaliyada ən yüksək xarici tələbə göstəricisidir.
6. Universita Degli Studi Dİ Milano
QS reytinqində 325-ci yerdə qərarlaşan bu universitet 8 fakultə və 2 məktəbi ilə birlikdə məşhur bir araşdırma universiteti hesab edilir. Elmi araşdırmalara görə Avropanın öndə gedən təhsil ocaqlarındandır.
Milano universitetinin yerləşdiyi Milan şəhəri ölkə iqtisadiyyatının paytaxtı hesab edilir və innovativ investisiyaların ən çox edildiyi şəhərdir.
7. Universita Di Pisa
1343-cü ildə qurulan Pisa universiteti 58 bakalavr, 34 magistr, 31 doktorantura proqramı ilə İtaliyanın ən önəmli universitetlərindən biri hesab edilir. 56 min tələbəsi olan bu qurum fizika, astrofizika, mühəndislik, riyaziyyat və təbiət elmlərində öndə gedən universitetlərdəndir.
Piza Universitetinin ev sahibliyi etdiyi bir çox Nobel mükafatı qazanan alim vardır. Bunlardan ən önəmlisi burada təhsil alaraq professor olan tanınmış riyaziyyatçı Qalileo Qalileydir.
Ünvan: Nərimanov rayonu, Təbriz küç. 100A
Tel: (012) 566 48 23
(050) 787 57 66
email: baba.karimli@celt.az
Salam. 11ci sinif attestatı ilə Italyada oxumaq mümkündür? Və necə? Hal hazırda 10cu sinifəm. Bakalavr təhsilimi Italyada ala bilərəm?
Salam,
mümkün deyil, onlarda təhsil 12 illik olduğu üçün sizin də 12 illik təhsiliniz olmalıdır
Salam. İELTS olmadan Romada təhsil almaq olar? bu Magistr da ola bilər və ya ixtisas inkişafı kurslar və s.
Xeyir. Ama hazırlıqla mümkündü
Salam İtaliyada master oxumaq üçün nələr lazımdır? 72.9 ort və ielts ilə master oxumaq mümkündürmü?
salam. Bəli İELTS olamlıdır
Salam.11 ci sinfi bitirib bir basa qebul olmaq olur?Ixtisas computer science ve ya software engieering uzre.
Salam. CELT orta mektebini bitirseniz beli. Azerbaycan attestati ile xeyir
Salam. İtaliyada sosial elmler ve psixologiya fakültesi üzre magistr tehsili almaq mümkündür?(teqaüdlü) İelts olmadan. Bir de visa meselesi nece hell olunur?
Salam, bəli mümkündür. Təqaüd üçün maddi vəziyyətlə bağlı sənədləri səfirliyə təqdim etməlisiniz. Amma dil sertifikatı kimi IELTS tələb edilir. Viza üçün isə bank hesabında 9000 avro dəyərində maddi vəsaiti sübut kimi göstərməlisiniz.
Salam.Maliyyə ixtisasına görə universitet var İtaliyada?Bank işi
Bəli
Salam.Mən Gürcüstan vətəndaşıyam.Amma Azərbaycanda yaşayıram və indi 1ci kursam.İtalyan dili üzrə tərcüməçilik ADU-da.Uniden mezun olduqdan sonra magistrı İtaliyada oxuya bileremmi?Yəni fakültəmə uyğun uniler var?
Salam. Bəli
Salam. Italiyada muzeysunaslig ixtisasi Kulturologiya fakultesi olan universitetler varmi?
Salam. Beli var. Nümunə olaraq Marist College, The American University of Rome və belə bir çox üniversitet var.
Salam)Mən ingilis dili müəllimliyi oxuyuram hazırda, magistri İtaliyada oxumaq fikrindəyəm) Fakültəmə uyğun hansı universitetləri məsləhət görürsünüz? Öncədən təşəkkürlər
Salam. Müəllimlik və ya regionşunaslıq daha uyğundur.
Azerbaycan universitetlerine qebul bali bir onem dasiyirmi xarici unilerde magistr oxumaq ucun ?
salam. qəbul balı xeyir ama ortalama bakalavr qiymətləri bəli.
Salam, Azərbaycan da İlahiyyat İnstitutunda İslamşünaslıq ixtisasında təhsil alan tələbə 2 ci kursdan ixtisasını dəyişərək fəlsəfə üzrə İtaliyada təhsil ala bilər ?
Salam. Bəli amma orda təhsil 3 il olacaq. Çünki transfer mümkün deyil.
Italiya ucun Təqaüd şərtləri və sənədləri nə vaxtdan hazırlamaq laziımdir? Viza prosesi uzun çəkir? Hansı müddətə cavab almaq mümkün olacaq? magistr ucun ixtisas uygunlugu vacibdirmi?
Ofisimizə zəng edin detaylı məlumat üçün.
Salam .Mən BDU-nun Amerika üzrə regionşünaslığını bitirirəm (tədris ingiliscə) . Yenə də
IELTS almaq lazımdır yoxsa ehtiyyac yoxdur?. Ortalamam 88 + dur.
Bəli. O ingiliscə heç yerdə keçirli deyil əgər UK və USA getmək istəyirsinizsə
Salam İtaliyada biznes ixtisasina uygun universitet hansidi?
Italiyada bir çox universitet var. European School of Economics var.
Salam, İtaliyada Marketinq ixtisası üzrə magistr təhsilini hansı universitetlərdə ala bilərəm (təqaüdlü)?
Salam. Təqaüdü sadəcə ora gedəndən sonra bilirsiniz. Bunun oxumaqla çox əlaqəsi yxodur. Ehtiyac təqaüdü var. Ama bundan sonra çətin ki olsun. İtaliya daha özünə gələ bilməyib. Daha real ölkələrə baxın. Məsələn Macarıstan
Yaani pulsuz uniler hansiolardi?
Salam. italiyada pulsuz uni yoxdur. 2-3 min arası dəyişir təhsil haqqı.
Salam. Tərcümə və İnformasiya texnologiyaları fakültəsi varmı? Hansı universitetdə?1il bakalvr təhsili aldıqdan sonra İtaliyada bakalvr təhsili almaq mümkündürmü?
Salam. Hər unidə.
Salam , italiyada magistr oxumaq üçün nə lazımdır?
Uni ortalamasl 70 və ielts olsa bəs edir?
Salam. Bəli. 70 ilə qəbul edən unilər var