Əziz və dəyərli xaricdə təhsil alan tələbələrimiz!
Bildiyiniz kimi ordumuz düşmənin təxribatına cavab olaraq cəbhə boyu döyüşlər başlamışdır. Ordumuzun uğurlu əməliyyatları nəticəsində 30 ilə yaxındır ermənilər tərəfindən işğal edilən 7 kəndimiz və Murov dağında yerləşən yüksəklik işğaldan azad olunmuşdur. Ölkəmizdə internet resurslarına qoyulan qadağa döyüş zonasında baş verən hadisələrlə bağlı əsassız xəbərlərin, dezinformasiyalarin qarşısını almaq üçün tətbiq edilmişdir. Lakin buna baxmayaraq internetdə mənbəyi bilinməyən və ordumuzun uğurlu əməliyyatlarına kölgə salacaq xəbərlər yayımlanır. Bu səbəbdən biz CELT Colleges olaraq xaricdə təhsil alan tələbələrimizə səslənərək onları əsassı,z mənbəyi bilinməyən xəbərlərə əsaslanmamaga və düşmənin yarada biləcəyi hər hansı təxribat dolu çağırışa uymamağa çağırırıq.
Döyüş zonasında baş verən hadisələrlə bağlı xəbərləri yalnız Azərbaycan Respublikası Müdafiə Nazirliyinin rəsmi internet saytından və sosial media hesablarından əldə edə bilərsiniz.
Unutmayın ki, hər bir yalan və təxribat dolu xəbər cəbhə boyu qanı və canı bahasına vuruşan şanlı ordumuzun aparacağı uğurlu əməliyyatlara kölgə sala bilər. Odur ki, hər hansı məlumat aldıqda bu məlumatın doğru və ya yalan olduğunu yalnız Müdafiə Nazirliyinin rəsmi internet saytından araşdırın.
Dəyərli tələbələrimiz!
Sizi səngərdə döyüşən şanlı ordumuza dəstək olmağa dəvət edirik!
Dualarımızı onlardan əskik etməyək. Gəlin düşmənlə birlikdə mübarizə aparıb, əzəli torpağımız olan Qarabağımızı düşmən işğalından birgə xilas edək!
Hotmətlə,
CELT Colleges
Tam razıyam????