Məlumat üçün bildirmək istərdik ki, Təhsildə Keyfiyyət Təminatı Agentliyi artıq qeyri-formal və informal yollarla əldə edilmiş bilik, bacarıq, səriştə və təcrübələrin qiymətləndirilməsini həyata keçirir. Yəni bərbərlər, saç ustaları və digər bu və ya digər peşələrə qeyri-formal formada yiyələnən şəxslər fərdi qaydada yiyələndiyi ixtisas üzrə Təhsildə Keyfiyyət Təminatı Agentliyinə ərizə ilə müraciət edə və qiymətləndirmədə bilavasitə iştirak edə bilər. Komissiya tərəfindən qiymətləndirilmə aparıldıqdan sonra yüksək nəticə göstərmiş ərizəçilər dövlət nümunəli sənədlə (sertifikatla) təltif olunacaqlar. Bildirək ki, Nazirlər Kabinetinin qərarı ilə təsdiq olunan müvafiq qaydaya əsasən öz peşə ixtisası üzrə bütün modullardan sertifikat əldə edən vətəndaşlara ilk peşə təhsilinə bərabər dövlət nümunəli diplom verilir.
Ətraflı məlumat üçün qfitt@tkta.edu.az elektron poçt ünvanına müraciət edə bilərsiniz.