Azərbaycan Respublikasının Təhsil Nazirliyi ilə Çin Xalq Respublikasının Təhsil Nazirliyi arasında uğurlu əməkdaşlığın nəticəsi olaraq, 24 nəfər Azərbaycan Respublikası vətəndaşı 2020-2021-ci tədris ili üzrə Çin Xalq Respublikasınin nüfuzlu universitetlərində təhsil almaq imkanı qazanıb.
COVID-19 -un yarandığı ölkədə belə təhsil almaq istəyənlər var… Sən də koronavirusdan qorxub təhsildən qalma! 🙂 Dünyanın ƏN YAXŞI universitetləri səni gözləyir… CELT Xaricdə Təhsil Proqramı haqqında ətraflı məlumat üçün bizə yazın.
Müvafiq sazişə əsasən, seçim barədə Çin Xalq Respublikası tərəfindən verilən yekun qərar nəticəsində 24 nəfər bu ölkənin “Peking University”, “China University of Petrolium-Beijing”, “University of Science and Technology Beijing”, “Yanshan University”, “Xiamen University”, “Tsingua University” kimi ali təhsil müəssisələrində neft mühəndisliyi, proqramlaşdırma və kompüter elmləri, beynəlxalq münasibətlər, hüquq, iqtisadiyyat və idarəetmə ixtisasları üzrə bakalavriat (4 nəfər), magistratura (18 nəfər) və doktorantura (2 nəfər) səviyyələri üzrə təhsil almaq hüququ qazanıb.
CELT Colleges olaraq Çində təhsil almaq imkanı qazanan hər bir tələbəyə gələcək təhsillərindən bol – bol uğurlar arzu edirik.
Məlumat üçün bildirək ki, müvafiq təqaüd proqramı barədə elan ötən ilin 28 noyabr tarixində verilib.
